Steve Goodier - "Bir dəqiqə həyatınızı dəyişə bilər" silsiləsindən - 3

Çalışmaq, çalışmaq, çalışmaq...

Tanıdığım biri həyatıyla bankının bir birilərinə çox oxşadığını demişdi. Doğrudur -  hər ikisində də nə qədər investisiya qoysan o nisbətdə geri ala bilirsən. Lakin bu mənim bankıma görə çox keçərli deyil. Belə ki, əgər həyatıma qoyduğum investisiyaya diqqət etsəm,  həyatımdan daha çox zövq və qazanc əldə edə bilərəm.

Gary Player uzun illər yerli və beynəlxalq qolf turnirlərində bacarığı ilə seçilən bir oyunçu idi. İnsanlar ona çox vaxt belə deyirdilər, “Topa sizin kimi vura bilmək üçün hər şeyimi verərdim”.

Bir gün yenə eyni sözlərlə qarşılaşan Player özünü saxlaya bilməyib cavab verdi. “Xeyr, verməzdiniz. Topa mənim kimi vura bilmək üçün hər şeyi, ancaq asan olsaydı verərdiniz! Topa mənim kimi vurmaq üçün nə lazım olduğunu bilirsiniz? Hər səhər saat 5:00-da qalxıb, qolf meydançasında  1000 dənə topa vurmağınız lazımdır. Əlləriniz qanamağa başlayanda klub binasına gedib əlinizin qanını təmizlədikdən sonra bint bağlamalı və qayıdıb 1000 topa yenidən vurmağınız lazımdır. Topa mənim kimi vurmaq üçün bu lazımdır.”

Playerin hədəfi məşğul olduğu  idamanın zirvəsində olmaqdır. Bu uca hədəf çalışmaq, çalışmaq və daha çox çalışmağı tələb edir. Hamımız həyatımızda mükəmməlləşməyi arzu edirik – sevmək, sevilmək, əylənmək və gözəl münasibətlər qurmaq. Lakin neçəmiz bunun üçün investisiya qoyuruq? Eyni topa vurmaq kimi belə şeylər çox çalışmaqla mümkün olur.

Daxilinizdə istək olmasa belə sevgi üçün can atırmısınız? Xoşbəxt olmasanız belə zövq almaq üçün  cəhd edirsinizmi? Çətin işlər üçün əlavə vaxt sərf edirsinizmi? Bilirəm, bu asan bir şey deyil, amma gözəl nəticə  almaq üçün dözməyə dəyər.